Dezulæ, ninte òudiu..

  vanni à lêzo-u tèstu-öriginâ

Ti m'hæ açeizu 'nt'a schenn-a 'n brichettu
ti m'hæ fætu de muin 'na strapunta,
ti m'hæ missu u vexin sutt'ou lettu
ti m'hæ dæt'ou capottu 'na zunta!

Ti m'hæ fætu i frisciœ de cäsinn-a
ti m'hæ missu a pastetta 'nt'i tacchi
ti m'hæ tiòu 'na pygnatta 'n cuxinn-a
ti m'hæ fætu in mariôlu de sacchi!

Ti m'hæ dætu in lerfun insciaa spiâgia
ti m'hæ missu in bugiœ pe capellu
ti m'hæ ascûzu 'na búnbua 'nt'a tuâgia
e sciacòu quattru dîe 'nt'u rastellu.

T'ee padrunn-a de fâme de tyttu
t'œggiu ben e nu possu lasciâte
dimme: "Laddru, asascin, farabyttu..."
che mi senpre puriô perdunâte.

Ògni côsa cuu tenpu s'atennua
ma però nu me dî mâ d'u Gennua
guâi chi tucca i culûri d'u cœ!
Russ'e blœ, russ'e blœ, russ'e blœ!

Cuu cunpâ t'ee scapaa sciy pei munti
ti m'hæ 'npîu de putassa 'na pippa
ti m'hæ azuntu tréi zêri 'nt'i cunti
e l'inciostru 'nt'u broddu de trippa!

Ti m'hæ missu 'na grîgua 'nt'a rappa
ti m'hæ dîtu "Barudda" 'n spagnollu
i raiœ t'hæ sprysòu de scialappa
e caciòu l'ægua freida 'nt'u collu!

Ti m'hæ frîtu quattr'œve de stryssu
ti m'hæ dætu-u bicoccu ai mustàsci
ti m'hæ tiòu 'na denta'nt'u cupyssu
e mandòu nœve giurni à Maràsci!

T'ee padrunn-a de fâme de tyttu
t'œggiu ben e nu possu lasciâte
dimme: "Laddru, asascin, farabyttu..."
che mi senpre puriô perdunâte.

Ògni côsa cuu tenpu s'atennua,
ma però nu me dî mâ d'u Gennua
guâi chi tucca i culûri d'u cœ!
Russ'e blœ, russ'e blœ, russ'e blœ!

Finâ:
Ògni côsa cuu tenpu s'atennua
ma anche muindu zbragiô: "Viva u Gennua!"
guâi chi tucca i culûri d'u cœ!
Russ'e blœ, russ'e blœ, russ'e blœ!