Palanche
M'æ vendûo vacca e vitello
'na pêgoa con l'agello,
l'êuio, o vin do caratello
e de dinæ n'aæ fòu un corbello.
Ò ditto: chi va a finî chi me i pìggio,
ò mandòu a ciamâ mæ figgio,
vêgni sciù, gh'ò ditto
se ne pigemmo un gòtto, gh'ò ditto
e te mostriô onde têgno o mòtto, gh'ò ditto
che tegnîgi insemme, gh'ò ditto, no se peu
n'ò into sacco di faxeu
in mêzo a-i feuggi de'n lunâio
drento a-a càntia de l'armâio
sotta a ciappa, in co da scâ
drento a in cheusso into bancâ
o ghe n'é rozigiòu da-i ratti
röba da vegnîghe matti!
O m'à ditto: se t'êu quêtâ...fâla franca
vanni zù e pòrtigi in banca
chi l'àn studiòu 'na bella cösa, o dîxe
pöi te rendan anche quarcösa.
E gh'ò ditto: ma alantô i son di farabutti, gh'ò ditto
ma orà che i rendo tutti.
O dîxe: vagghe sôlo in matinâ
no ghe son depuis drinâ.
Che fadîga ò fòu a intrâ
o gh'êa 'na pòrta a l'êa serâ,
ò pensòu: ma n'açidente
gh'é a lûxe açéiza
gh'é cin de gente, gh'ò ditto
a quarche mòddo l'aiàn fòu
ò un pö frento, ò un pö aspêtòu
o l'é ariòu un, o l'à averto lê
e me ghe son infiòu derê.
Diretô, gh'ò ditto, mi te conoscio
ma i dinæ ti ghe fæ o moscio!
Se se fa fadîga a intrâ
e no ghe séi depuis drinâ...
Oh che piaxéi, o me dîxe, scio Stêa
sciâ s'acòmode, o me dîxe, n'é vêa?
E gh'ò ditto: gh'é quarcösa che no va
ti me dæ senpre do Vosciâ, gh'ò ditto
e son segûo che ti ti o sæ
e son l'amigo de teu poæ, gh'ò ditto
da figeu t'anéi descâso, gh'ò ditto
e t'aì senpre o broggio a-o nâzo, gh'ò ditto
a vòstra tæra a l'êa un pö scenta
e tutte e séie a l'êa polenta
ma ti êi brâo e me rincresce
se ti t'é goastòu into cresce.
Pöi gh'ò averto e mandilæ
e in sciâ töa ghe gi'ò veuæ
o n'é chéito ben ben in tæra
o m'a ditto: ma ghe n'é tanti, i son ante-goæra
o dîxe: òrmâi no son ciù bon!
Gh'ò ditto: ti ti m'êu fâ pasâ pe belinon!
a propòxito, gh'ò ditto
visto che o dinâ o l'é o mæ, gh'ò ditto
cöse l'é che ve ne fæ?
A chi l'é bon de fâli rende
ghe i prestemmo ch'o se i spende
e a chi veu fâ de cöse nêuve
ghe i demmo ch'o l'adêuvie.
E gh'ò ditto: no ve i lascio, manche âtro
che i mæ dinæ se i göde 'n âtro.
O dîxe: ma l'é comme fâ in stramûo
con noâtri t'é segûo.
Pöi o l'à comensòu a parlâ
do valore do dinâ
o parlæ de percentoâle
o parlæ de capitâle...
Gh'ò ditto: capitâle?
Gh'ò ditto: Ma insomma,
i mæ dinæ ti i mandi a Romma?
E gh'ò ditto: quelli lazù son di çervelon
ma o gh'é tanti forcheton!
E i gi'àn contæ, sensa fâ inbreuggi
o m'é vegnîo g'âgrime a g'éuggi
pe i dinæ
m'àn dòu inderê quattro feuggi de papê
e mi me credæ avéigi in recatto
de fêua gh'êa scrîto "bancomatto"
E da alôa mi v'ò da dî
no ghe l'ò ciù fâ a dormî.
Soldi
Mi ero venduto mucca e vitello
una pecora con l'agnello
l'olio, il vino del caratello
e di soldi n'avevo fatto un corbello.
Ho detto: qui va a finire che me li prendono,
ho mandato a chiamare mio figlio,
vieni su, gli ho detto
ce ne prendiamo un bicchiere, gli ho detto
e ti mostrerò dove tengo il gruzzolo, gli ho detto
che tenerli insieme, gli ho detto, non si può
ne ho nel sacco di fagioli
in mezzo ai fogli di un calendario
dentro al cassetto dell'armadio
sotto la lastra, in ... della scala
dentro a una zucca a fiasco nell'arcile.
ce n'è rosicchiato dai topi
roba da venirci matti!
M'ha detto: se vuoi quetare... farla franca
vai giù e portali in banca
che hanno studiato una bella cosa, dice
poi ti rendono anche qualcosa.
E gli ho detto: ma allora sono dei farabutti, gli ho detto
ma bisognerà che li rendano tutti.
Dice: vacci solo in mattinata
non ci sono al pomeriggio.
Che fatica ho fatto ad entrare
c'era una porta, era chiusa
ho pensato: ma accidenti
c'è la luce accesa
c'è pieno di gente, gli ho detto
a qualche modo avranno fatto
ho un po' provato, ho un po' aspettato
è arrivato uno, ha aperto lui
e mi ci sono infilato dietro.
Direttore, gli ho detto, io ti conosco
ma ai soldi ci fai lo schizzinoso!
Se si fa fatica a entrare
e non ci siete al pomeriggio...
Oh che piacere, mi dice, signor Stefano
si accomodi, mi dice, è vero?
E gli ho detto: c'è qualcosa che non va
mi dai sempre del Voi, gli ho detto,
e son sicuro che lo sai
son l'amico di tuo padre, gli ho detto
da bambino andavi scalzo, gli ho detto
e avevi sempre il muco al naso, gli ho detto
la vostra terra era un po' misera
e tutte le sere era polenta
ma tu eri bravo e mi dispiace
se ti sei rovinato nel crescere.
Poi gli ho aperto le fazzolettate
e sulla tavola gliel'ho vuotate
ne è caduto molti in terra
m'ha detto: ma ce n'é tanti, son ante guerra
dice: ormai non sono più buoni!
Gli ho detto: tu mi vuoi far passare per stupido!
a proposito, gli ho detto
visto che il denaro è il mio, gli ho detto
cos'è che ve ne fate?
A chi è capace di farli rendere
glieli prestiamo che se li spenda
e a chi vuol fare delle cose nuove
glieli diamo che l'adoperi.
E gli ho detto: non ve li lascio, manca altro
che i miei denari se li gode un altro.
Dice: ma è come fare un trasloco
con noi sei sicuro.
Poi ha cominciato a parlare
del valore del denaro
parlava di percentuale
parlava di capitale...
Gli ho detto: capitale?
Gli ho detto: ma insomma,
i miei denari li mandi a Roma?
E gli ho detto: quelli laggiù son dei cervelloni
ma c'è tanti forchettoni!
E li hanno contati, senza fare imbrogli
mi è venuto le lacrime agli occhi
per i denari
mi hanno dato indietro quattro fogli di carta
e io mi credevo averli al sicuro
di fuori c'era scritto "bancomatto"
E da allora io vi devo dire
non ce l'ho più fatta a dormire.
.
quello in corsivo non è genovese.