PAOLINO un scito do belin!
Giuseppe Marzari

A barùffa  
Tutto questo pe 'na figgia
ch'àn scontròu inte 'na caviggia
l'é sucesso ina baruffa
ch'a l'é tanto buffa da dovéi contâ.

Semmo inta periferia
into dancing "L'Armonia",
frequentòu dai balerin
pròpio quelli inte l'oêxin.
Ve presento chi 'na lista
con i nommi di ciù 'n vista:
gh'êa o Drîa o Ciataieu,
o Formîgoa co-o Grigheu,
o Cacàloa co-o Fregoggia,
brâga a tubbo co-a redóggia,
gh'êa o Giggio insemme a-o Stêva,
tutti doî da stessa lêva,
e fra questi gh'êa l'Armando
co-i cavelli a-a Marlon Brando,
gh'êa o Giêumo co-o Biscioêta,
che a-i seu tenpi o l'êa 'n atlêta,
o Meringa co-o Leitûga
senpre pronti a dâse... a-a fûga;
l'elemento femminile
sciù per zu do stesso stîle,
ghe sunâva inte l'òrchestra
o famôzo "Trio Menestra".
Incomensa a primma dansa
ch'a te mette o mâ de pansa,
ma a meitæ do primmo gîo
unn-a figgia a manda 'n crîo:
l'é bastòu questa scemata
a fâ sucêde 'na ciasata.

Tutto questo pe sta figgia
ch'àn scontròu inte 'na caviggia
l'é sucesso ina baruffa
ch'a l'êa tanto buffa da dovéi contâ.

Chi l'é stæto a açende a miccia
o l'é o figgio do Radiccia
tutta a sâla a l'é 'n subuglio
e incomensa o tafferuglio
s'îsa un de da-o seu pòsto:
"Vêgno mi a méttive a pòsto!"
Te ghe ciòccan un lerfón
che o finisce a stranbælon:
"Òua pigiæve questo aconto
che pöi dòppo sêro o conto!"
Intra in scena o Spartilòsso
che o te picca a ciù no pòsso.
'N âtro ch'o piccâva södo
o l'êa o Gin dîto "O Berödo".
Sciòrte a mêzo o Longagnon,
torna 'n âtro fanfaron,
ma o t'aciappa 'na cartella
ch'a ghe sêra 'na parpella,
s'intromette o Ragioniere
pe fâ a parte do paciere,
ma gh'arîa dötræ baciccole
che ghe fan partì e bariccole,
o caposâla, 'n tipo buffo,
anche lê o ghe lascia o ciuffo,
se dan bòtte a ciù no dî,
sbraggia e dònne: "Che a finî!"
Gh'é chi centra, gh'é chi sbaglia
o pâ 'n canpo de battaglia.

Tutto questo pe sta figgia
ch'àn scontròu inte 'na caviggia
l'é sucesso sta baruffa
ch'a l'êa tanto buffa e mi ve l'ò contâ.
La baruffa  
Tutto questo per una figlia
che hanno scontrato in una caviglia
è successo una baruffa
che è tanto buffa da dover raccontare.

Siamo nella periferia
nel dancing "L'Armonia",
frequentato dai ballerini
proprio quelli sulla cresta dell'onda.
Vi presento qui una lista
con i nomi dei più in vista:
c'era Andrea il chiattaiolo,
il Formica con il Gregorio,
il Galla con il Briciola,
calzoni a tubo con la rimboccatura (piega),
c'era il Luigi insieme al Stefano,
tutti e due della stessa leva,
e fra questi c'era l'Armando
con i capelli alla Marlon Brando,
c'era il Gerolamo con il Salvadanaio,
che ai suoi tempi era un atleta,
il Meringa con il Lattuga
sempre pronti a darsi... alla fuga;
l'elemento femminile
su per giù dello stesso stile,
ci suonava nell'orchestra
il famoso "Trio Minestra".
Inizia la prima danza
che ti mette il mal di pancia,
ma a metà del primo giro
una ragazza manda un grido:
è bastata questa sciocchezza
a far succedere una piazzata.

Tutto questo per questa figlia
che hanno scontrato in una caviglia
è successo una baruffa
che era tanto buffa da dover raccontare.

Chi è stato ad accendere la miccia
è il figlio del Radiccia
tutta la sala è in subbuglio
e inizia il tafferuglio
si alza uno dal suo posto:
"Vengo io a mettervi a posto!"
Ti ci schioccano un ceffone
che finisce a barcollare (a zig-zag):
"Ora prendetevi questo acconto
che poi dopo chiudo il conto!"
Entra in scena il Spartilosso
che ti picchia a più non posso.
Un altro che picchiava sodo
era il Gino detto "il Sanguinaccio".
Capita in mezzo il Lungagnone,
di nuovo un altro fanfarone,
ma ti prende una cartella
che gli chiude una palpebra,
s'intromette il Ragioniere
per far la parte del paciere,
ma gli arrivano due o tre lievi pacche
che gli fanno partire gli occhiali,
il caposala, un tipo buffo,
anche lui ci lascia il ciuffo,
si danno botte a più non dire,
gridano le donne: "Che la finite!"
C'è chi centra, c'è chi sbaglia
sembra un campo di battaglia.

Tutto questo per questa figlia
che hanno scontrato in una caviglia
è successo una baruffa
che era tanto buffa e io ve l'ho raccontata.
 
quello in corsivo non è genovese.

Tweet

Se qualcuno reclama diritti di copyright, può scrivermi;  nel caso provvederò alla rimozione.
Materiale tratto in parte dal sito Zeneize di Conrad Monpetit
<< torna indietro

 Indice Cantanti 
HOMEPAGE CULTURA E TRADIZIONI GENOVESE