Adio Makinikka - Giuseppe Marzari

per sentirla clicca qui
3,34 min.

Adîo Makinikka
Sciâ l'à raxon sciô Piccaprîa, «più si conoscono gli uomini, e più si impara ad amare le bestie».
Òua l'é za a belessa de doî anni ch'o m'é mòrto o Makinikka, un cavallo che gh'amancâva a paròlla.
O l'êa 'n cavallo scignôro, un caratere orgoliôzo, ma co-o cheu inte man: sciâ pense che quando vedéiva 'n zenbo o se metéiva a cianze.
L'ò atrovòu in Piemonte a-a fêa de Cuneo, o l'êa in mêzo a-i bròcchi da maxello, o l'àiva ciù òsse che carne, e pe mandâlo a Zena l'ò misso inte 'na càscia in mêzo a dôe straponte.
L'ò spedîo a-a pìcola con scrîto: "Fragile: vietate manovre a spinta"... sci, perché o patîva i sponcioìn.
Che inteligensa ch'o l'avéiva!
Comme o l'é arivòu a Zena, riconoscente de quante avéiva fæto pe lê, apenn-a o l'à visto a caròssa, invece de anâ sott'a-e stanghe, o se gh'é acoêgòu drento e o l'à tiòu sciù o sciuscetto... Niente da fare... Dòppo tréi giorni s'ò vosciûo fâlo sciortî m'é tocòu dâghe fêugo a-a côa...
Un cavallo ch'o l'êa 'na belessa, o l'êa o ciù bello cavallo de ciassa... che l'êa in ciassa. Era una curiosità turistica, vegnivan da l'èstero pe véddilo! Sci, perché no se capîva s'o l'êa vivo ò s'o l'êa inbalsamòu: o no mesciava manco e parpélle! O dormiva e o ronfava co-i éuggi averti.
A-a stæ o l'àiva ciù mosche in gîo lê che 'na gorgonzöla. Quande o se mesciava o scroscîva comme un guardaröbe, tanto che e gente se scartavan pe-a poîa ch'o ghe cazesse adòsso.
Era di una calma olimpica, o se lasciava fâ de tutto: i figeu gh'agropâvan scinn-a e oêge!
No l'ò mâi visto corî. L'ùnica vòtta ch'o l'à fæto 'na corsa l'é perché gh'avéivan misso a scialappa inte 'na patêca. Da fermo no gh'êa perìcolo ch'o fesse onbra: o l'êa trasparente...
Però, anche lui, come tutti i miseri mortali, aveva un cuore e quindi una passione: 'na cavalinn-a sarda. O gh'à parlòu dex'anni: qualcosa o l'à pasòu! O l'à pigiòu ciù câsci lê che 'na balla de papê inte'n caroggio! A l'êa giöza matta: bastava che a-a séia o l'arivesse inta stalla in ritardo che xoâva tutto! Tanto che un giorno, stanco de véddilo boscâ, ò fæto a separaçion legale... gh'ò misso 'na paratîa into mêzo...
Ben, sciâ se-o credde, sciô Piccaprîa, pàiva ch'a ghe voêse tanto ben e invece, da dòppo ch'o l'é mòrto, a no l'é mâi anæta a açéndighe 'na vòtta.
Adîo Makinikka, tutte e vòtte che veddo pasâ un célere mi penso a ti.

Addio Makinikka
Ha ragione signor Piccapietra, «più si conoscono gli uomini, e più si impara ad amare le bestie».
Ora è già la bellezza di due anni che mi è morto Makinikka, un cavallo che gli mancava la parola.
Era un cavallo signore, un carattere orgoglioso, ma col cuore in mano: pensi che quando vedeva un gobbo si metteva a piangere.
L'ho trovato in Piemonte alla fiera di Cuneo, era in mezzo ai brocchi da macello, aveva più ossa che carne, e per mandarlo a Genova l'ho messo in una cassa in mezzo a due materassi.
L'ho spedito alla piccola con scritto: "Fragile: vietate manovre a spinta"... si, perché pativa gli spintoni.
Che intelligenza che aveva!
Com'è arrivato a Genova, riconoscente di quanto avevo fatto per lui, appena ha visto la carozza, invece di andare sotto alle stanghe, si ci è coricato dentro e ha tirato su il soffietto... Niente da fare... Dopo tre giorni se ho voluto farlo uscire m'è toccato darci fuoco alla coda...
Un cavallo che era una bellezza, era il più bel cavallo di piazza... che era in piazza. Era una curiosità turistica, venivano dall'estero per vederlo! Si, perché non si capiva se era vivo o se era imbalsamato: non muoveva neanche le palpebre! Dormiva e russava con gli occhi aperti.
Nell'estate aveva più mosche in giro lui che una gorgonzola. Quando si muoveva scricchiolava come un guardaroba, tanto che la gente si spostava per la paura che ci cadesse addosso.
Era di una calma olimpica, si lasciava fare di tutto: i bambini gli annodavano perfino le orecchie!
Non l'ho mai visto correre. L'unica volta che ha fatto una corsa è perché gli avevano messo la purga in un'anguria. Da fermo non c'era pericolo che facesse ombra: era trasparente...
Però, anche lui, come tutti i miseri mortali, aveva un cuore e quindi una passione: una cavallina sarda. Ci ha parlato dieci anni: qualcosa ha patito! Ha preso più calci lui che una palla di carta in un caruggio!
Era gelosa matta: bastava che alla sera arrivasse nella stalla in ritardo che volava tutto! Tanto che un giorno, stanco di vederlo buscare, ho fatto la separazione legale... ci ho messo una paratia nel mezzo...
Bene, se lo crede, signor Piccapietra, sembrava che gli volesse tanto bene e invece, da dopo che è morto, non c'è mai andata a accenderci una volta.
Addio Makinikka, tutte le volte che vedo passare un autobus io penso a te.

quello in corsivo non è genovese.