Scignôri bigetto! - Giuseppe Marzari

per sentirla clicca qui
3,02 min.

Scignôri bigetto! Zeneize

Ma che cîne, ma che tiâtro, se voéi divertîve, a-a domenega anævene in sciù e in zu in sciô tranvài!
Mi tutte e matin vaddo a pigiâ o tranvài a-o capolinea.
Comme o veddo li fermo, vaddo adâxo, adâxo, sensa fâmene acòrze... Quande ghe son da-a vixin fass'in botto e ghe sâto adòsso! Sci, perché se o tranviêre o s'acòrze che veuggio montâ, o ghe dà l'8 e o me lascia 'n tæra...
Unn-a dònna a l'à fæto questa conscideraçion: o tranvài o l'é comme i òmmi, quello ch'aspêtemmo o n'arîva mâi.

L'âtro giorno in sciô tranvài ò sentîo 'na scignorinn-a ch'a ratelâva con un e a ghe dîva:
«Mi sono spostata dal fondo perché c'era uno che mi toccava, ed ora lei è doppiamente sfacciato, perché lei si permette di toccarmi addirittura con tutte e due le mani!».
Lê o gh'à rispòsto:
«Sciâ scûze tanto scignorinn-a, çercâva de dâghe 'na bòtta a-a spedîa perché dêvo chinâ a-a primma fermâta...».

'Na matin me ricordo

che vegnîva da'n veglion, l'êa quattro e mêza, so' anæto a pigiâ o primmo tranvài. Insemme a mi l'é montòu sciù 'na leitæa. Diggo a veitæ che, dòppo avéi bevûo ben ben do vin, in pitin de læte o no me dispiaxéiva.
Difæti gh'ò dîto:
- «Scuzæ dònna, me-o vendiêsci 'n quartin de læte?»
- «Eh, sciâ ghe l'à manco testa», a m'à rispòsto, «sciâ o dîxe pe rîe?...»
Difæti a l'arve o stagnon

e a me ne dà 'n mezuìn...
Mi l'asazzo e pöi ghe diggo:
«Ma 'n momento! Ma questa chi a l'é ægoa sccetta!»
Lê a l'amîa, pöi a me dîxe:
«Sciâ l'à raxon, quello balordo de mæ màio o s'é ascordòu de métighe o læte...!»

Un giorno l'é montòu in sciù tranvài un co'ina valîxa ch'a pàiva 'n bàilo, e, tanto pe no sbaliâse, o l'à pösâ in sce 'na scarpa a'n scignôro. Questo chi, invece d'aragiâse, o s'é giòu bello calmo e o gh'à dîto:
«Questa vòtta chi sciâ l'é fregòu! O càllo l'ò inte l'âtra scarpa!»

Unn-a vòtta l'é montòu in sciô tranvài doî inbræghi. Comme se son atrovæ li in sciâ piataforma, àn visto un in divîza e gh'àn domandòu:
«Sciâ ne dagghe doî bigetti...»
Lê o gh'à rispòsto:
«Ma voi vi sbagliate, ma io non sono il tranviere, io sono un ufficiale di marina!»
«T'æ sentîo Gioàn? Mîa che se semmo sbaliæ! Questo chi o no o l'é 'n tranvài, chi semmo a bòrdo, semmo... Ma!... Ma alôa l'é mêgio caciâse zu, se no chisà dove anemmo a finî...!»
Difæti un o se caccia zu, ma apenn-a o l'é fêua o se mette a sbragiâ:
«Mîa Gioàn, aspêta a caciâte zu che gh'é di scheuggi...».

E se mâi quello che pagæ o no l'é ben spéizo...

Signori biglietto! Italiano

Ma che cinema, ma che teatro, se volete divertirvi, alla domenica andatevene su e giù sul tram!
Io tutte le mattine vado a prendere il tram al capolinea.
Come lo vedo lì fermo, vado adagio, adagio, senza farmene accorgere... Quando ci sono vicino faccio un balzo e ci salto sopra! Si, perché se il tranviere s'accorge che voglio salire, ci dà l'8 e mi lascia a terra...
Una donna ha fatto questa considerazione: il tram è come gli uomini, quello che aspettiamo non arriva mai.

L'altro giorno sul tram ho sentito una signorina che litigava con uno e gli diceva:
«Mi sono spostata dal fondo perché c'era uno che mi toccava, ed ora lei è doppiamente sfacciato, perché lei si permette di toccarmi addirittura con tutte e due le mani!».
Lui gli ha risposto:
«Mi scusi tanto signorina, cercavo di darci una botta in fretta perché devo scendere alla prima fermata...».

Una mattina mi ricordo che venivo da un veglione, erano le quattro e mezza, sono andato a prendere il primo tram. Insieme a me è salita su una lattaia. Dico la verità che, dopo aver bevuto tanto vino, un pochino di latte non mi dispiaceva.
Difatti le ho detto:
- «Scusate donna, me lo vendereste un quartino di latte?»
- «Eh, ce l'ha neanche testa", mi ha risposto, "lo dice per ridere?...»
Difatti apre il secchio e me ne dà un misurino...
Io l'assaggio e poi le dico:
«Ma un momento! Ma questa qui è acqua pura!»
Lei la guarda, poi mi dice:
«Ha ragione, quel balordo di mio marito s'è dimenticato di metterci il latte...!»

Un giorno è salito sul tram uno con una valigia che sembrava un baule, e, tanto per non sbagliarsi, l'ha posata su una scarpa a un signore. Questo, invece d'arrabbiarsi, s'è girato bello calmo e gli ha detto:
«Questa volta qui lei è fregato! Il callo l'ho nell'altra scarpa!»

Una volta sono saliti sul tram due ubriachi. Come si sono trovati sulla piattaforma, hanno visto uno in divisa e gli hanno chiesto:
«Ci dia due biglietti...»
Lui gli ha risposto:
«Ma voi vi sbagliate, ma io non sono il tranviere, io sono un ufficiale di marina!»
«Hai sentito Giovanni? Guarda che ci siamo sbagliati! Questo qui non è un tram, qui siamo a bordo, siamo... Ma!... Ma allora è meglio buttarsi giù, se no chissà dove andiamo a finire...!»
Difatti uno si butta giù, ma appena è fuori si mette a gridare:
«Guarda Giovanni, aspetta a buttarti giù che ci sono degli scogli...».

E se mai quello che pagate non è ben speso...

quello in corsivo non è genovese.