Atenti a-o can (Attenti al cane)

per sentirla clicca qui
2,43 min.

Aténti a-o can Zeneize

E vattene... e vattene... vanni a coccio, can da prûxe, vanni!
Gh'amancava anche o can in câza... ma lascemmo perde...
Se e cöse no fîsan arivæ a questo ponto mi no gh'aviæ manco fæto câxo, ma ora basta cara moglie, siamo al colmo! Tutte e cûre, tutte e premûe son pe-o can. Mi l'é comme n'existesse ciù. A l'acaréssa, a o bâxa, a o ciamma Fuffi... E mi pe avéi 'na caréssa e un conplimento da mæ mogê bezéugna che aspête o 27 do méize e o stipendio doppio a Natâle...
Gh'amancâva o can...
Mi quande sciòrto d'in scàgno dêvo corî a câza drîto se no goâi.
O can invece

o s'aferma inte tutti i canti.
A serva a se o piggia senpre in sce zenogge.
Mi, per ezénpio, a no me gh'à mâi pigiòu...
O can o peu baiâ anche de neutte che nisciùn ghe dîxe ninte. Se l'avesse da fâ mi... apriti o cielo!
Quande in câza gh'emmo qualche invitòu mæ mogê a no fa âtro che vantâghe o can: "Ma guardate come è bello il mio Fuffi".
Mâi 'na vòtta ch'a gh'agge dîto: "Ma guardate come è bello mio marito".
E i invitæ, specialmente e dònne, tutte in gîo a questa béstia a fâghe i conplimenti, comme se o paghesse lê quello che màngian...
O gh'amancâva lê, o gh'amancâva...
Quande o can o stà drîto in sce doî pê pâ ch'o fasse chi sa cöse. Se pöi o l'ariêsce a fâ doî passi o l'é un miracolo

. E mi invece, che in sce doî pê ghe staggo tutto o giorno, "Guardate com'è carino!" mæ mogê a no me l'à mâi dîto.
Me fa rîe quelli che dîxan: "O travaggia comme un can".
Écco un paragon sbaliòu!
In sostansa cöse l'é ch'o fa o can?

Écco chi tutto o seu lòu
ògni tanto o fa "bòu bòu"
quarche vòtta o lòccia a côa
quande o vedde intrâ a scignôa
pöi o seu ciù gran strapasso
o l'é quello d'andâ a spasso
a-o ritorno poéi capî
stanco mòrto o va a dormî.

Attenti al cane Italiano

E vattene... e vattene... vai a cuccia, cane da pulci, vai!
Ci mancava anche il cane in casa... ma lasciamo perdere...
Se le cose non fossero arrivate a questo punto io non c'avrei neanche fatto caso, ma ora basta cara moglie, siamo al colmo! Tutte le cure, tutte le premure sono per il cane. Io è come non esistessi più. L'accarezza, lo bacia, lo chiama Fuffi... E io per avere una carezza e un complimento da mia moglie bisogna che aspetto il 27 del mese e lo stipendio doppio a Natale...
Ci mancava il cane...
Io quando esco dall'ufficio devo correre a casa diritto se no guai.
Il cane invece si ferma in tutti gli angoli.
La serva se lo prende sempre sulle ginocchia.
A me, per esempio, non mi ci ha mai preso...
Il cane può abbaiare anche di notte che nessuno ci dice niente. Se l'avessi da fare io... apriti o cielo!
Quando in casa c'abbiamo qualche invitato mia moglie non fa altro che vantarsi del cane: "Ma guardate come è bello il mio Fuffi".
Mai una volta che abbia detto: "Ma guardate come è bello mio marito".
E gli invitati, specialmente le donne, tutte in giro a questa bestia a farci i complimenti, come se lo pagasse lui quello che mangiano...
Ci mancava lui, ci mancava...
Quando il cane sta diritto su due piedi sembra che faccia chissà cosa. Se poi riesce a fare due passi è un miracolo. E io invece, che su due piedi ci sto tutto il giorno, "Guardate com'è carino!" mia moglie non me l'ha mai detto.
Mi fanno ridere quelli che dicono: "Lavora come un cane".
Ecco un paragone sbagliato!
In sostanza cos'è che fa il cane?

Ecco qui tutto il suo lavoro
ogni tanto fa "bou bou"
qualche volta muove la coda
quando vede entrare la signora
poi il suo più gran strapazzo
è quello di andare a spasso
al ritorno potete capire
stanco morto va a dormire.

quello in corsivo non è genovese.