Salve fugassa (Salve focaccia)

per sentirla clicca qui
1,53 min.

Salve ò fugassa!
Son chi, sentimentale scinn-a in fondo,
e me comêuve anche o papê de strassa,
son l'ùrtimo romantico pe-o mondo,
ma ò un vate sôlo: o tòcco de fugassa.
A me piâxe coscì into seu conplesso,
sciòcca, crocante con a sâ a man bassa,
con l'oêxin ben vonto e bello spesso,
e pöi dîghe a-a matin: "Salve fugassa!"
O mâ o l'incanta, ch'o segge bolezùmme,
fæto de mòuxi ò calmo pe-a bonassa
con l'arzillo ch'o sa de refrescùmme,
ma pe incantame mi ghe veu a fugassa.
Il grattacielo è bello da vedere
e De Ferrari unn-a gran bella ciassa,
l'é bello Arbâ, o Righi e o Belvedere,
d'acòrdo, ma però comme a fugassa...
Me l'aséunno de neutte e pöi m'adéscio
e perdo e bâve comme 'na lumassa,
me pâ d'êse fêua d'ægoa comme un péscio
finché no còllo un ètto de fugassa.
Da tutte e parte, e veuan avéi raxón,
de pissa e pomaròlla se stronbassa,
ma mi no fasso manco o paragon,
manco l'atasto: resto pe-a fugassa!
E se diggo "fugassa" e diggo tutte,
no fasso distinçión fra secca e grassa,
i gusti mi no son chi pe discutte,
pe mi a va senpre ben s'a l'é fugassa.
Dòmmo a Milàn, Torin l'antoneliann-a,
lanterna a Zena, Savonn-a a campanassa,
Sanrémmo o zêugo, a Spézza l'arsenâ,
ma mi in sciô stemma veuggio unn-a fugassa.
Mi son sentimentale e me comêuvo
s'a l'é co-a çiòula, e brindo con vinassa
s'a l'é a-o formaggio... e me ghe perdo aprêuvo...

Salve o focaccia!
Son qui, sentimentale sino in fondo,
e mi commuove anche la carta straccia,
son l'ultimo romantico per il mondo,
ma ho un profeta solo: il pezzo di focaccia.
Mi piace così nel suo complesso,
soffice, croccante, col sale a più non posso,
con il bordo ben unto e bello spesso,
e poi dirle al mattino: "Salve focaccia!"
Il mare incanta, che sia schiumetta,
fatto di marosi o calmo per la bonaccia
con l'odore d'alga che sa di lezzo,
ma per incantarmi ci vuole la focaccia.
Il grattacielo è bello da vedere
e De Ferrari una gran bella piazza,
è bello Albaro, Righi, il Belvedere,
d'accordo, però come la focaccia...
Me la sogno di notte e poi mi sveglio,
e perdo la bava come una lumaca,
mi sembra d'essere fuori dell'acqua come un pesce
finchè non ingoio un etto di focaccia.
Da tutte le parti, e vogliono aver ragione,
si strombazza di pizza e pommarola,
ma io non faccio neanche il paragone,
neanche l'assaggio: resto per la focaccia!
E se dico "focaccia" le dico tutte,
non faccio distinzioni tra secca e grassa,
i gusti non sono qui per discutere,
per me va sempre bene se è focaccia.
Duomo a Milano, Torino l'Antonelliana,
Lanterna a Genova, Savona la Campanaccia,
Sanremo il gioco, a Spezia l'arsenale,
ma io sullo stemma voglio una focaccia.
Sono sentimentale e mi commuovo
se è con la cipolla, e brindo con vinaccia
se è al formaggio... e mi ci perdo appresso...

quello in corsivo non è genovese.