Acontentâse
Catâse doî frisceu,
setâse in pö in sciô meu
e stâse a zinzignâ
e poéise acontentâ
de'n piâto de fainâ
basta no anâsene.
Inte crêuze de matin
fermâse co-o spasin
e insemme ciacerâ
sentî i figeu sbragiâ
sentî l'ödô do mâ
fâse da-o sciöco baxâ
fâ 'n gîo in sce 'n bello gosso
tiâ dôe prîe inte l'ægoa
e amiâ partî e lanpâre
che se ne van a pescâ.
Fermâse in sce'n porton
dâ 'n câso inte'n balon
fæto de stràsse,
d'inverno dôe rostîe
a sùppa da-o tripâ
acontentâse, no mesciâse ciù.
Fermâse in sce'n porton
dâ 'n câso inte'n balon
fæto de stràsse,
d'inverno dôe rostîe
a sùppa da-o tripâ
acontentâse, no mesciâse ciù.
Accontentarsi
Comprarsi due frittelle
sedersi un po' sul molo
e stare a tentennare
e potersi accontentare
di un piatto di farinata
basta non andarsene.
Nelle stradine al mattino
fermarsi con lo spazzino
e insieme chiaccherare
sentire i bambini gridare
sentire l'odore del mare
farsi dallo scirocco baciare
fare un giro su un bel gozzo
tirare due pietre nell'acqua
e guardare partire le lampare
che se ne vanno a pescare.
Fermarsi su un portone
dare un calcio in un pallone
fatto di stracci,
d'inverno due caldarroste
la zuppa dal trippaio
accontentarsi, non muoversi più.
Fermarsi su un portone
dare un calcio in un pallone
fatto di stracci,
d'inverno due caldarroste
la zuppa dal trippaio
accontentarsi, non muoversi più.
de matin
quello in corsivo non è genovese.