PAOLINO un scito do belin!
I Trilli

Picon daghe cianìn  
Fra i moin de Picaprîa che fan stramûo
ghe n’êa de câza donde son nasciûo
ghe son pasòu pe câxo stamatin
ma forse o cheu o guidava o mæ camin,
chi l’é de Zena ou sa perché ‘n magon
o m’à impedîo de dî quest’òraçión.

Picon daghe cianin
mi son nasciûo sotta a sto camin
son muâge che m’àn visto co-o röbin
e aregoelâme in gîo co-o careghin

Picon daghe cianin
sôvia sta ciàppa rotta a tochetin
i conpiti gh’ò fæto de latin
e gh’ò mangiòu trenette e menestroìn

Ma zà ti stæ caciando zù o barcon
ti veddi ghe a Madònna da Paiscion
l’à fæta o mæ bacàn trent’anni fa
pe gràçia riçevûa in mêzo a-o mâ

Picon daghe cianin
son tutti corpi dæti in sciô mæ cheu
se pròpio fâne a mêno ti no peu
picon daghe cianin.

Credéime pöche vòtte ò ciénto gente
no m’emoscionn-o tròppo façilmente
ma quando ò visto cazze a piconæ
a stànsa dôve gh’é nasciûo mæ moæ
me se afermòu quarcösa pròpio chi
ò ciénto e ò pregòu coscì

Picon daghe cianin
son tutti corpi dæti in sciô mæ cheu
se pròpio fâne a mêno ti no peu
picon daghe cianin

Férmite un pö picon
t’aröbo un mon
un tòcco de poêxîa
do cian de Picaprîa.
Piccone dacci piano  
Tra i mattoni di Piccapietra che fan trasloco
ce n'erano della casa dove sono nato
ci sono passato per caso stamattina
ma forse il cuore guidava il mio cammino,
chi è di Genova lo sa perché un nodo in gola
mi ha impedito di recitare questa preghiera.

Piccone dacci piano
io sono nato sotto questo camino
sono muri che mi hanno visto col vestitino (da bimbo)
e rotolarmi in giro col seggiolino.

Piccone dacci piano
sopra questa lastra rotta a pezzettini
ho fatto i compiti di latino
ed ho mangiato trenette e minestroni

Ma già stai buttando giù la finestra
vedi c'è la Madonna dell'Apparizione
l'ha fatta mio padre trent'anni fa
per una grazia ricevuta in mezzo la mare

Piccone dacci piano
son tutti colpi dati sul mio cuore
se proprio farne a meno non puoi
piccone dacci piano.

Credetemi poche volte ho pianto gente
non mi emoziono tanto facilmente
ma quando ho visto cadere a picconate
la stanza dove è nata mia madre
mi si è fermato qualcosa proprio quì
ho pianto ed ho pregato così

Piccone dacci piano
son tutti colpi dati sul mio cuore
se proprio farne a meno non puoi
piccone dacci piano

Fermati un po' piccone
ti rubo un mattone
un pezzo di poesia
del piano di Piccapietra.
 
quello in corsivo non è genovese.
© Paolino - primo 45 giri "Trilli trilli" lato B, uscito nel 1973.
Commento alla canzone Picon daghe cianìn

Tweet

Se qualcuno reclama diritti di copyright, può scrivermi;  nel caso provvederò alla rimozione.
<< torna indietro

 Indice Cantanti 
HOMEPAGE CULTURA E TRADIZIONI GENOVESE