A pesciæa
Dònne son chi e anciôe vîve...! Dònne me scapan tutte...! Dònne tegnîle...!
Dònne'agoantæle...! Vouchì l'arzillo do mâ...! Ma amiæghe l'éuggio, sentite il profumo...!
Scignôa sciâ sente che ödô? È qui l'acqua di Colonia...! Scignôa sciâ se n'infîe mêzo chillo inta borsetta, sciâ e pòrte a câza che pròfuman l'anbiente...!
Dònne asazæ l'anghilla...! Frizéivela, metéighe o limon e infiævela inte l'arbanèlla...!
Donne è qui il tesoro del mediterraneo...!
Scignôa sciâ s'acatte dôe bôghe belle vîve, sciâ-e pòrta 'n câza, sciâ l'atàppe o lavéllo, sciâ làsce o bronzin averto che créscian comme i bibin... e se gh'alâga a cuxinn-a.
Bello zoêno m'éi fæto inamoâ dôe trégge, no vedéi che ve ciaman, ve sciacan de l'éggio e ve dixan: «Prendeteci siamo vostre e caciæne inta poêla» !?
Ma amiæ che razza gente...! A l'é 'na razza de quelle razze che no se sa de che razza a segge...
Scignôro, sciâ se pigge 'na fetta de bronco... che a polmonîte a ghe vêgne quande ghe diggo o prêxo...
Donne è qui l'aquarium...! Ma amiæ che röba gente...! E fævela 'na bella boridda coscì ve mangæ dötræ resche...! A l'é chi a röba vîva...!
Scignôa, sciâ vêgne zu inta scâ co-o tondo, coscì sciâ se ronpe o còllo e no ne parlemmo ciù.
O l'é chi l'argento do mâ...!
Scignôa sciâ se pigge questo porpo, o l'é marca Pirelli, ògni ganba gh'é da giasciâ pe un méize.
Dònne dæghe do tonno a-i vòstri òmmi...!
- «Signora, mi date un etto di calamari?»
Mêz'ôa che sbraggio... a me çerca i "calamari"... c'ho delle penne stilografiche... sciâ se lêve d'inti pê, seppia!
Donne è qui la penicillina dello stomaco!
La pescivendola
Donne son qui le acciughe vive...! Donne mi scappano tutte...! Donne tenetele...!
Donne agguantatele...! Eccolo qui il profumo del mare...! Ma guardate l'occhio, sentite il profumo...!
Signora sente che odore? È qui l'acqua di Colonia...! Signora se ne infili mezzo chilo nella borsetta, le porti a casa che profumano l'ambiente...!
Donne assaggiate l'anguilla...! Friggetevela, metteteci il limone e infilatevela nell'arbanella...!
Donne è qui il tesoro del mediterraneo...!
Signora si compri due bughe belle vive, le porta in casa, tappa il lavandino, lascia il rubinetto aperto che crescono come i tacchini... e le s'allaga la cucina.
Bel giovane m'avete fatto innamorare due triglie, non vedete che vi chiamano, vi schiacciano l'occhio e vi dicono: «Prendeteci siamo vostre e buttateci nella padella» !?
Ma guardate che razza gente...! È una razza di quelle razze che non si sa di che razza sia...
Signore, si prenda una fetta di grongo... che la polmonite ci viene quando ci dico il prezzo...
Donne è qui l'aquarium...! Ma guardate che roba gente...! E fatevela una bella zuppa di pesce così vi mangiate due o tre lische...! È qui la roba viva...!
Signora, venga giù nella scala col piatto così si rompe il collo e non ne parliamo più.
È qui l'argento del mare...!
Signora si prenda questo polpo, è marca Pirelli, ogni gamba c'è da masticare per un mese.
Donne dateci del tonno ai vostri uomini...!
- «Signora, mi date un etto di calamari?»
Mezz'ora che grido... mi cerca i "calamari"... c'ho delle penne stilografiche... si levi dai piedi, seppia!
Se qualcuno reclama diritti di copyright, può scrivermi; nel caso provvederò alla rimozione.
Materiale tratto in parte dal sito Zeneize di Conrad Monpetit
coscì ve mangæ dötræ resche...! A l'é chi a röba vîva...!
quello in corsivo non è genovese.