PAOLINO un scito do belin!
Giuseppe Marzari

Canson a-a reversa  
'Éi mâi sentîo 'na canson d'amô ch'a parle mâ de dònne?
Mâi!
Eternamente tuo, t'amo appassionatamente, sei la mia vita, la mia stella, la mia speranza, l'anima mia... Veddan tutto rêuza, tutto bello, sensa pensâ però che o bello o vêgne dòppo. E alôa comenso mi pe-o primmo a decantâne i pregi, ma primma de tutto i difetti, con questa "Canson a-a reversa":

Sta canson dedicâ l'ò a 'na figgia
ch'a l'à o nâzo un pö fæto a frisceu
inta faccia a l'à qualche lentiggia
e inte 'n éuggio a l'à senpre 'n òrzeu,
a l'à o mento ch'o pâ 'na conchetta
dôve nasce de longo un porin
e, pe zonta, ghe crésce a barbetta
comme a-e crâve, gh'òriæ o sunagin.
A l'à e oêge che pan dôe ventoêle,
e pensâ ch'a ghe sente cianin,
ma però a l'é 'na dònna fedêle,
fortunòu chi ghe l'à da vixin!
Quand'a parla inta faccia a ve spûa
che ve pâ che incomense a sproînâ,
no parlemmo pöi quande a stranûa
pâ che invece incomense a tronâ.
A l'à o còllo ch'a pâ 'na giraffa,
o 50 de scarpe inti pê,
a l'é fæta ch'a pâ 'na caraffa,
pe chi a veu l'é za pronti i papê.
Chi se spôza sta perla de figgia
o peu senpre tranquillo dormî:
garantîo che nisciùn no ghe a piggia,
e a canson a finisce coscì.

Ah, m'ascordâva de dâve l'indirisso: salita Ravatti 77, Çigheugna.
A-o pàize ghe dîxan "a Giôni" ma do Cian di Bòrli, no poéi sbaliâve.
Canzone alla rovescia  
Avete mai sentito una canzone d'amore che parla male delle donne?
Mai!
Eternamente tuo, t'amo appassionatamente, sei la mia vita, la mia stella, la mia speranza, l'anima mia... Vedono tutto rosa, tutto bello, senza pensare però che il bello viene dopo. E allora comincio io per primo a decantarne i pregi, ma prima di tutto i difetti, con questa "Canzone alla rovescia":

Questa canzone dedicata l'ho a una ragazza
che ha il naso un po' fatto a frittella
nella faccia ha qualche lentiggine
e in un occhio ha sempre un orzaiolo,
ha il mento che sembra una conchetta
dove nasce continuamente una verruca
e, per giunta, ci cresce la barbetta
come alle capre, ci vorrebbe il sonaglio.
Ha le orecchie che sembrano due ventole,
e pensare che ci sente pianino,
però è una donna fedele,
fortunato chi ce l'ha vicino!
Quando parla nella faccia vi sputa
che vi sembra che incomincia a piovigginare,
non parliamo poi quando starnutisce
sembra che invece incomincia a tuonare.
Ha il collo che sembra una giraffa,
il 50 di scarpe nei piedi,
è fatta che sembra una caraffa,
per chi la vuole son già prunti i documenti.
Chi si sposa questa perla di ragazza
può sempre tranquillo dormire:
garantito che nessuno gliela piglia,
e la canzone finisce così.

Ah, mi dimenticavo di darvi l'indirizzo: salita Ravatti 77, Cicogna.
Al paese ci dicono "a Giôni" ma del Piano dei Bernoccoli, non potete sbagliarvi.
 
quello in corsivo non è genovese.
Senti lo stesso pezzo cantato dal Trio Universal
oppure da Matteo Merli

Tweet

Se qualcuno reclama diritti di copyright, può scrivermi;  nel caso provvederò alla rimozione.
Materiale tratto in parte dal sito Zeneize di Conrad Monpetit
<< torna indietro

 Indice Cantanti 
HOMEPAGE CULTURA E TRADIZIONI GENOVESE