PAOLINO un scito do belin!
Giuseppe Marzari

Pranzo escursionistico  
Me son atrovòu a fâ 'na gîta in comitîva sciù pe-i monti
e comme se semmo atrovæ in sciô pòsto stabilîo
semmo anæti a mangiâ inte un di doî ristoranti che l'êa la.
L'êa 'na giornâ câda e mi, quande l'é coscî câdo,
da bon zeneize, me piâxe o menestron fréido
e difæti ò comandòu o menestron fréido.
Me l'àn portòu, ma primma de mangiâ
me son acòrto che dentro gh'êa 'na mosca.
Mi son legermente sensibile, alôa ò ciamòu o camê
e cianin, che no me sentisse i âtri clienti, gh'ò dîto:
«Sciâ l'amîe che into menestron gh'é 'na mosca»
o m'à rispòsto «Sciâ l'àgge tanta paçiénsa,
primma de portaghelo ghe n'ò levòu un muggio,
se vedde che quella li no l'aviô vista»
«Alôa sciâ pòrte via o menestron
e sciâ me pòrte in rizòtto co-e vongole»
Mentre mangio, m'acòrzo che in mêzo a-e vongole gh'êa un pomello
ciàmmo torna o camê, ghe fasso òservâ a cösa
o séi cös'o m'à rispòsto?
«Cöse sciâ pretendéiva d'atrovâghe? In pâ de brâghe?»
«Vosciâ sciâ o l'é in gran mâdocòu
e sciâ me ciàmme inmediatamente o padron!»
O me dîxe: «Sciâ l'amîe o padron o no gh'é,
o l'é a mangiâ into ristorante la in faccia»
Ò capîo, o l'é ciù asperto de niâtri.
«Visto che in sciô menu gh'é anche di raieu - gh'ò dîto
sciâ pòrte via o rizòtto e sciâ me pòrte 'na porçión de raieu»
Difæti o me l'à portâ, ma l'êa talmente microscòpica
che no n'ò posciûo fâne a mê no de lamentâme
«A ghe pâ 'na porçión questa? No se vèddan manco!»
O m'à dîto: «Se sciâ savesse cöse gh'é drento
sciâ no mangia manco quelli li»
«Va beh, alôa lascemmo perde o primmo
e sciâ me pòrte in quartin de polastro aròsto»
Ma anche quello li o dev'êse mòrto da-i dispiaxéi
perché o l'êa tutt'òsse.
Mangio o polastro, frûta, cafè, pöi m'arîva o conto.
L'amîo e lêzo: Un pollo lire duemila
Scherzémmo? N'ò mangiòu in quarto!
Ciàmmo o camê, o me dîxe: «Non importa signore
che lei ne mangi un quarto o la metà, è consuetudine
del ristorante di segnare un pollo intero.
»
Ò mogognòu, ratelòu, protestòu,
ninte da fâ: m'é tocòu pagâ.
E a m'é anæta ben coscî eh!
Conbinaçion avesse ordinòu 'na bistecca
me tocâva pagâ o beu intrêgo.
Però, inti ristoranti a l'infêua de questi,
dimmoghe, piccoli inconvenienti,
gh'é da asciste a de scenette divertenti.
Me ricòrdo che in giorno êa li
inte'n ristorante che mangiâva
l'é intròu 'na cobbia de fidansæ
e se son infiæ inte 'na saletta riservâ.
Comme se son atrovæ li, lê o se l'à abrasâ
o gh'à dîto: «Annamaria, finalmente soli,
in questo momento noi due non siamo
che un'anima sola, una persona sola.
»
Lê a l'à in pö amiòu, pöi a gh'à dîto:
«Però da mangiâ ti ne comandi pe doî!
N'âtra vòtta inte n'âtro ristorante
l'é sciortîo un da 'na saletta riservâ
tutto aragiòu fêua de lê, sbragiando
«Aorélio, pe piaxéi, inta saletta de la gh'é un
ch'o contimoa a rîe pe de scemâte da ninte, o l'angoscia tutti,
sciâ ghe manda a dî de finîla»
O padron o gh'à rispòsto: «No gh'é bezéugno.
Òua ghe mando o conto e sciâ vediâ
ch'o a finisce subito de rîe.»
E dæto l'argomento conclùddo aogurandove bon apetìtto.
Pranzo escursionistico  
Mi son trovato a fare una gita in comitiva su per i monti
e come ci siamo trovati sul posto stabilito
siamo andati a mangiare in uno dei due ristoranti che c'era là.
Era una giornata calda e io, quando è così caldo,
da buon genovese, mi piace il minestrone freddo
e difatti ho comandato il minestrone freddo.
Me l'hanno portato, ma prima di mangiare
mi sono accorto che dentro c'era una mosca.
Io sono leggermente sensibile, allora ho chiamato il cameriere
e piano, che non mi sentissero gli altri clienti, gli ho detto:
«Guardi che nel minestrone c'è una mosca»
mi ha risposto «Abbia tanta pazienza,
prima di portarglielo ce n'ho levato un mucchio,
si vede che quella lì non l'avrò vista»
«Allora porti via il minestrone
e mi porti un risotto con le vongole»
Mentre mangio, m'accorgo che in mezzo alle vongole c'era un bottone
chiamo di nuovo il cameriere, gli faccio osservare la cosa
lo sapete cosa mi ha risposto?
Cosa pretendeva di trovarci? Un paio di pantaloni?»
«Lei è un gran maleducato
e mi chiami immediatamente il padrone!»
Mi dice: «Guardi il padrone non c'è,
è a mangiare nel ristorante là di fronte»
Ho capito, è più esperto di noi.
«Visto che sul menu ci sono anche dei ravioli - gli ho detto -
porti via il risotto e mi porti una porzione di ravioli»
Difatti me l'ha portata, ma era talmente microscopica
che non ho potuto fare a meno di lamentarmi
«Le sembra una porzione questa? Non si vedono neanche!»
Mi ha detto: «Se sapesse cosa c'è dentro
non mangia neanche quelli lì»
«Va beh, allora lasciamo perdere il primo
e mi porti un quartino di pollo arrosto»
Ma anche quello lì dev'essere morto dai dispiaceri
perché era tutto ossa.
Mangio il pollo, frutta, caffè, poi m'arriva il conto.
Lo guardo e leggo: Un pollo lire duemila
Scherziamo? Ne ho mangiato un quarto!
Chiamo il cameriere, mi dice: «Non importa signore
che lei ne mangi un quarto o la metà, è consuetudine
del ristorante di segnare un pollo intero.»
Ho mugugnato, litigato, protestato,
niente da fare: mi è toccato pagare.
E mi è andata bene così eh!
Combinazione avessi ordinato una bistecca
mi toccava pagare il bue intero.
Però, nei ristoranti al di fuori di questi,
diciamo, piccoli inconvenienti,
c'è da assistere a delle scenette divertenti.
Mi ricordo che un giorno ero lì
in un ristorante che mangiavo,
è entrata una coppia di fidanzati
e si sono infilati in una saletta riservata.
Come si sono trovati lì, lui se l'ha abbracciata
e le ha detto: «Annamaria, finalmente soli,
in questo momento noi due siamo
che un'anima sola, una persona sola.»
Lei l'ha un po' guardato, poi gli ha detto:
«Però da mangiare ne ordini per due!»
Un'altra volta in un altro ristorante,
è uscito uno da una saletta riservata
tutto arrabbiato fuori di lui, gridando
«Aurelio, per piacere, nella saletta di là c'è uno
che continua a ridere per delle scemenze da niente, disgusta tutti,
gli mandi a dire di finirla»
Il padrone gli ha risposto: «Non c'è bisogno.
Ora gli mando il conto e vedrà
che la finisce subito di ridere.»
E dato l'argomento concludo augurandovi buon appetito.
 
quello in corsivo non è genovese.

Tweet

Se qualcuno reclama diritti di copyright, può scrivermi;  nel caso provvederò alla rimozione.
Materiale tratto in parte dal sito Zeneize di Conrad Monpetit
<< torna indietro

 Indice Cantanti 
HOMEPAGE CULTURA E TRADIZIONI GENOVESE