Vint'anni dòppo
Dòppo vint'anni de matrimònio, o màio o va a câza tutte e néutte a træ ôe,
e la dolce metà, co-a pòrta arenbâ, 'na spasoîa vêgia e un taròcco inte man, è in ansiosa attesa,
e non apénn-a o màio o l'inbocca a scâ, se scatena u cielo in mezz' a via.
- Caciæ gente ch'o l'é ariòu, a Don Giovanni da bétoe!... O no ve vêgne mâi un colpo co-o crescentin? A vagabondo delle stelle, miæ se l'é l'ôa de vegnî a câza, inbrægon...
- Miæ dònna, pe o mæ carattere éi za parlou tròppo, levæve d'inti pê, io cerco la gioventù, voî òrmâi éi ciù disturbi che 'na ràdio a rate...
- Gente o l'é in sciô repiggio! A balordo: no ve n'acorzéi che perdéi e brâghe? Faiesci mêgio a acatâ in mariölo invêce de pagâ di mêzi lîtri a-e vòstre sirene, ghe n'éi giòu di sacchi?
- Miæ, Cleopatra in semensa, no me fæ bacaiâ do lòffio: mi i dinæ me i spendo comme veuggio, a l'é in pö coscî, a no me piâxe ciû a scaròlla, òua me piâxe a radicetta noêla: ghe patî?
- A delinquente abitoâle!...
- Binba prodiggio!...
- Quande m'éi spozòu êa da béie inte'n gòtto d'ægoa...
- E invêce òua séi da béie into treuggio de l'ægoa insavonâ!
- A cicheton, scinché scanpo mi a no ve lûxe: ve daggo tante tarochæ pe scinché no parlæ grêgo! Vegnîghe in câza se séi bon.
- Mi in câza ghe vêgno anche se fisci o Vallo Atlàntico, levæve d'inti pê, scarpa vêgia...
- Asascin d'a mæ salûte, m'éi aroinòu l'existensa...
- Finîla de fâ rîe e gente: saéi duxento chilli, e se v'arubbatæ anæ a finî in fondo do caroggio comme in taro de conserva...
- Però, staséia in câza no gh'intræ: anæ a dormî da-e vòstre dònne, depòxito da cancaron...
- E portême a perde comme i gatti, câdión!
E questo poema d'amore o continoa sino alla fine della fine dei secoli.
Vent'anni dopo
Dopo vent'anni di matrimonio, il marito va a casa tutte le notti alle tre,
e la dolce metà, con la porta appoggiata, una scopa in mano e un tarocco nella mani, è in ansiosa attesa,
e non appena il marito imbocca la scala, si scatena il cielo in mezzo alla via.
- Vomitate gente che è arrivato, a Don Giovanni da bettole!... Non vi viene mai un colpo con il singhiozzo? A vagabondo delle stelle, guardate se è l'ora di venira a casa, ubriacone...
- Guardate donna, per il mio carattere avete già parlato troppo, levatevi dai piedi, io cerco la gioventù, voi ormai avete più disturbi che una radio a rate...
- Gente è sul ripiglio! A balordo: non ve n'accorgete che perdete i pantaloni? Fareste meglio a comprare una maglietta invece di pagare dei mezzi litri alle vostre sirene, ce n'avete girato dei sacchi?
- Guardate, Cleopatra in semenza, non mi fate parlare a vanvera: io i soldi me li spendo come voglio, è un po' così, non mi piace più la scarola, ora mi piace la radichetta novella: ci patite?
- A delinquente abituale!...
- Bimba prodigio!...
- Quando m'avete sposato ero da bere in un bicchiere d'acqua...
- E invece ora siete da bere in un lavatoio dell'acqua insaponata!
- A bevitore di liquori, fintantoché scampo io non vi luccica: vi do tante taroccate fintantoché non parlate greco! Veniteci in casa se siete capace.
- Io in casa ci vengo anche se foste il Vallo Atlantico, levatevi dai piedi, scarpa vecchia...
- Assassino della mia salute, mi avete rovinato l'esistenza...
- Finitela di far ridere la gente: sarete duecento chili, e se vi rotolate andate a finire in fondo del caruggio come un taro di conserva...
- Però, stasera in casa non ci entrate: andate a dormire dalle vostre donne, deposito da cancarone...
- E portatemi a perdere come i gatti, calderone!
E questo poema d'amore o continua sino alla fine della fine dei secoli.
quello in corsivo non è genovese.
È stata scritta da Luigi Anselmi
di conserva...
quello in corsivo non è genovese.