Canto perché son inbriægo
Canto perché son inbriægo e no staggo ciù in pê
son inbriægo da-i lerfoin che me da mæ mogê
quande a me i mòlla pan chéiti da l'ultimo cian
pe no sbaliâse a picca con tutte e dôe e man.
Int'in momento de calma ò çercòu de spiegâghe
che chi comanda o l'é l'òmmo perché o pòrta e brâghe
lê a se l'à misse e a m'à dîto: «coscì semmo pari»
a fumma inta pippa, a se cicca di mêzi sigâri.
Canto perché son inbriægo e no staggo ciù in pê
inbriægo da-i lerfoin ca me da mæ mogê.
L'avesci vista primma d'avéila spozâ
poéivi trovâla tutte e matin da-o tripâ.
Se qualche vòtta me scòrdo de dâ a çéia in tæra
lê a mogogna, a s'araggia, sucêde 'na goæra.
Son inte seu man veramente un marionetto
lâva in tæra, inte schæ, lêva a pûa e pöi fanni o letto
Canto perché son inbriægo e no staggo ciù in pê
inbriægo da-i mascoin ca me da mæ mogê.
A me scistema di câsci che pan poniçioin
a me ricòrda Rozetta quande a zugâva tersin.
Seunna chitâra, aconpàgnime questo lamento
perché sôlo ti ti capisci quello che sento
quello che sopòrto dòppo avéila spozâ
e a vegnîva rossa sôlo d'avéila amiâ.
Canto perché son inbriægo e no staggo ciù in pê
son inbriægo da-i lerfoin che me da mæ mogê.
L'avesci vista primma d'avéila spozâ
a vegnîva rossa sôlo d'avéila amiâ.
Canto perché sono ubriaco
Canto perché sono ubriaco e non sto più in piedi
sono ubriaco dai ceffoni che mi da mia moglie
quando me li molla sembrano caduti dall'ultimo piano
per non sbagliarsi picchia con tutte e due le mani.
In un momento di calma ho cercato di spiegarle
che chi comanda è l'uomo perché porta i pantaloni
lei se l'ha messe e mi ha detto: «così siamo pari»
fuma nella pipa, si cicca dei mezzi sigari.
Canto perché sono ubriaco e non sto più in piedi
ubriaco dai ceffoni che mi da mia moglie.
L'aveste vista prima d'averla sposata
potevate trovarla tutte le mattine dal trippaio.
Se qualche volta mi dimentico di dare la cera in terra
lei brontola, s'arrabbia, succede una guerra.
Sono nelle sue mani veramente un burattino
lava in terra, nelle scale, leva la polvere e poi fai il letto
Canto perché sono ubriaco e non sto più in piedi
ubriaco dagli sberloni che mi da mia moglie.
Mi sistema dei calci che sembrano punizioni
mi ricorda Rosetta quando giocava terzino.
Suona chitarra, accompagnami questo lamento
perché solo tu capisci quello che sento
quello che sopporto dopo averla sposata
e veniva rossa solo da averla guardata.
Canto perché sono ubriaco e non sto più in piedi
sono ubriaco dai ceffoni che mi da mia moglie.
L'aveste vista prima d'averla sposata
veniva rossa solo da averla guardata.
un marionetto
quello in corsivo non è genovese.