Gosse d'öu
Nûvia che ven da-o mâ
e va verso a montagna
n’antîgo dîto o dîxe
sta atento ch’a te bàgna.
Ma questa nûvia, comme
fiòcco de gianco coton
a veu o çê ben netezâ
e Zena fâla brilâ.
Splende o sô in sce Zena
gosse d’öu se pösan in mâ
e da scciùmma de onde
pöi se làscian spantegâ.
Splende o sô in sce Zena
se coloran co-i fiôri i barcoìn
e inte l’âia profumâ
gh’é l’ödô da tæra e do mâ.
Mille violin sunæ
pe prezentâ sta scêna
da l’onbra sponta a lunn-a
inluminâ a l’é Zena.
Da-e stelle incoronâ
superba resta coscì
da-o teu mâ acaresâ
a dominante t’ê ti.
Splende o sô in sce Zena
se coloran co-i fiôri i barcoìn
e inte l’âia profumâ
gh’é l’ödô da tæra e do mâ,
e inte l’âia profumâ
gh’é l’ödô da tæra e do mâ.
Gocce d'oro
Nuvola che vien dal mare
e va verso la montagna
un antico detto dice
sta attento che ti bagna.
Ma questa nuvola, come
fiocco di bianco cotone
vuole il cielo ben pulire
e Genova farla brillare.
Splende il sole su Genova
gocce d'oro si posano in mare
e dalla schiuma delle onde
poi si lasciano spargere.
Splende il sole su Genova
si colorano coi fiori le finestre
e nell'aria profumata
c'è l'odore della terra e del mare.
Mille violini suonano
per presentare questa scena
dall'ombra spunta la luna
illuminata è Genova.
Dalle stelle incoronata
superba resta così
dal tuo mare accarezzata
la dominante sei tu.
Splende il sole su Genova
si colorano coi fiori le finestre
e nell'aria profumata
c'è l'odore della terra e del mare
e nell'aria profumata
c'è l'odore della terra e del mare.
quello in corsivo non è genovese.