Canson da Chéulia
L'é pasòu za tanti anni de quand'êa ancon in pivello,
quello tenpo coscì bello che mâi ciù o se peu ascordâ
quando andavo into caroggio a demoâme co-i gardétti
éimo doî mascarsonétti che asetæ no poéimo stâ
me n'andava alôa a schêua, e ciù vòtte me a fugîva
e formàimo a comitiva, se n'andavimo a bagnâ
in sci màcchi a-o Passo Nêuo, a San Pê lazù da-a Fôxe
e cantàimo sotto vôxe questa antîga mæ canson
Chéulia donde t'ê,
me ricòrdo a mæ cazetta de quand'êa ancon in figeu
Chéulia donde t'ê,
t'ê o ricòrdo mæ ciù câo che ascordâse no se peu
Chéulia donde t'ê
co-i patæli, quattro strasse e a fascêua pe o figeu,
mi daiéiva a mæ fortunn-a pe rivedde i mæ caroggi,
a mæ câza, i mæ strofoggi
che me stavan tanto a-o cheu.
Fæto pöi 'n pö ciù grande me n'andavo a l'Acasêua,
co-i figeu zugâva a Lêua, co-e figette da mæ etæ
asetæ in sci scæn de pòrte se zugâvimo e bædinn-e
e se e ziàrdoe fîsan mìnn-e s'òcupàimo con piaxéi
A-i mæ tenpi quando a pòrta a s'arvîva co-o spaghétto
e a séia tutti in letto ne metéivan a dormî
cöse son queste palanche, cöse servan a 'n vegetto
che a seu Zena, meschinétto, fòrse o no a vediâ mâi ciù.
Chéulia donde t'ê
me ricòrdo a mæ cazetta de quand'êa ancon in figeu
Chéulia donde t'ê,
t'ê o ricòrdo mæ ciù câo che ascordâse no se peu
Chéulia donde t'ê
co-i patæli, quattro strasse e a fascêua pe o figeu
mi daiéiva a mæ fortunn-a pe rivedde i mæ caroggi,
a mæ câza, i mæ strofoggi
che me stavan tanto a-o cheu.
Canzone del Colle
Son passati tanti anni da quando ero un ragazzino,
quel tempo così bello che non si può mai più scordare
me ne andavo nel vicolo a divertirmi coi ragazzini
eravamo due mascalzoncelli che seduti non potevamo stare
me n'andavo allora a scuola, e il più delle volte marinavo
e formavamo la comitiva, ce ne andavamo a fare il bagno
sui cubi di cemento al Passo Nuovo, a San Pietro laggiù dalla Foce
e cantavamo sotto voce questa antica mia canzone
Colle dove sei?
mi ricordo la mia casetta di quando ero ancora bambino
Colle dove sei?
sei il ricordo mio più caro che scordarsi non si può
Colle dove sei?
coi pannolini, quattro stracci e la fascia per il bambino,
io darei la mia fortuna per rivedere i miei vicoli,
la mia casa, le mie cianfrusaglie
che mi stavano tanto a cuore.
Fatto poi un po' più grande me ne andavo all'Acquasola,
coi ragazzi giocavo a Loano, con le ragazzine della mia età
seduti sugli scalini delle porte giocavamo ai sassolini
e se le trottole fossero acuminate ci occupavamo con piacere.
Ai miei tempi quando la porta si apriva con lo spaghetto
e la sera tutti a letto ci mettevano a dormire,
cosa sono questi soldi, a cosa servono ad un vecchietto
se la sua Genova poveretto forse non la vedrà mai più.
Colle dove sei?
mi ricordo la mia casetta di quando ero ancora bambino
Colle dove sei?
sei il ricordo mio più caro che scordarsi non si può
Colle dove sei?
coi pannolini, quattro stracci e la fascia per il bambino,
io darei la mia fortuna per rivedere i miei vicoli,
la mia casa, le mie cianfrusaglie
che mi stavano tanto a cuore.
quello in corsivo non è genovese.